ربك يمهل ولايهمل

اكو شيخ عشيره عنده بنت کلش حلوه ، ذاك اليوم البنت نايمه اجتها عگرب و
گرصتها بخدها ، گبل ماچانت اطیا ومستشفيات مثل هسه ، صاح الشيخ : 
جيبولنا مله محيسن يقراء عليها ، جابو مله محيسن وطب على بنت الشيخ حته يعالجها ، المله شاف البنت کلش حلوه وتخبل ، انسطر عليها ، گاله محفوظ لازم امص خدها حته اتطيب من اللدغه ، گاله الشيخ ولك محيسن عدّل بدّل شوفلك 
غير طريقه وعالجها ، گاله محفوظ ماتطيب الا امص خدها ،
الشيخ خاف على بنته وهيه عزيزه عنده ، وشافها تتالم انجبر و وافق ،
مله محيسن ماصدگ لزم خد البنت بيده ، گام يمص بخدها  لحد ما يبسهه تيبس ، 
وره فتره العگرب لدغت خادمه عند الشيخ ، خادمه سوده وسمينه وشكلها قبيح گلش ، چانت لدغة العگرب  ابچعب رجله ) الخادمه ، ودنيا صيف وحاره و
الخادمه تصرخ ، گال الشيخ جيبولنا مله محيسن الي طيب بتنا گبل ، ركضوا 
على مله محيسن وجابوه ، ‏دخلوا المله على الخادمه،،من شافها گاللهم هاي 
علاجها مو مص هاي اقراء عليها واطيب ، سمع الشيخ گاله ولك شوف اذا 
ماتمص مكان اللدغه واطيبها اليوم اگص راسك ، گول انجبر مله محيسن وگام 
يمص باللدغة ب الخادمه ، وكل مايشيل رأسه يصيح عله الشيخ مص بعد ، لحد 
ماطاح حظ المله وگام يزوع واغمى عليه ،
                     ~~~~
رباط سالفتنا : تره كل واحد مص خير هذا الشعب واستغل طيبة الناس وظروفهم
راح يجي عليه يوم اسود مثل يوم مله محيسن ويخليه يزوع الاول والتالي ، ربك يمهل ولايهمل ، وشياكل العنز يطلعه الدباغ

+ نوشته شده در دوشنبه ۱۴۰۱/۰۴/۱۳ ساعت 11:31 توسط حجی احمد عزيز عبدالواحد البغلاني  |